Our vision Our vision

 

Our Vision is to become outstanding and prefered procurement and property disposal service provider in Ethiopia. 

Legal Documents Related to Procurement and Property Administration Legal Documents Related to Procurement and Property Administration

Web Content Display Web Content Display

Welcome to our website Thank you for visiting us ....

We Perform procurement of public organizations common user items and nationally strategic utilities; render efficient and effective property disposal service; including support for the private sector.  

To Browse newly invted Bid Click here.

እንኳን ወደ ድረገፃችን በሰላም መጡ!... ስለ ጉብኝትዎ እናመሰግናለን።

የመንግስት ግዥና ንብረት ማስወገድ አገልግሎት በሚኒስትሮች ምክር ቤት ደንብ ቁጥር 184/2002 ሐምሌ 2 ቀን 2002 ዓ.ም ሲቋቋም ዓላማዎቹ የመንግስት መስሪያ ቤቶች የሚጠቀሙባቸውን ተመሳሳይ ዕቃና አገልግሎቶች እንዲሁም አገራዊ ስትራቴጂካዊ ጠቀሜታ ያላቸው እቃዎችና አገልግሎቶች ከከፍተኛ ግዥ የሚገኘውን ኢኮኖሚያዊ ጠቀሜታ በሚያስገኝ ተመጣጣኝ ዋጋ፣ በተገቢው ጊዜና በተፈላጊው ጥራት እንዲቀርቡ ማስቻል፣በሽያጭ እንዲወገዱ ውሳኔ የተሰጠባቸውን የመንግስት መ/ቤቶች ንብረቶች በተቀላጠፈ አኳኋን በተመጣጣኝ ዋጋ እንዲወገዱ ማስቻል እና ለመንግስት የልማት ድርጅቶች በዕቃና አገልግሎት ግዥ እንዲሁም በንብረት ማስወገድ ረገድ እገዛ ማድረግ ናቸው፡፡

 

ዜናዎችና ወቅታዊ ጉዳዮች ዜናዎችና ወቅታዊ ጉዳዮች

Back

2014 ወርሃዊ ዜና መፅሄት Hamle

 

  

        በመንግስት ግዥ አገልግሎት 

           ወርሃዊ ዜና መፅሄት

 

በኮሙኒኬሽንና ዓለም አቀፍ ግንኙነት ዳይሬክቶሬት የተዘጋጀ  

                                                       

 

 

                                          ሐምሌ 2014 ዓ.ም

     

 

 

        

በበጀት ዓመቱ በ4.8 ቢሊየን ብር ለጋራ መጠቀሚያ ዕቃዎች ግዥ የአሸናፊነት ደብዳቤ (Award) ተሰጠ  

የመንግስት ግዥ አገልግሎት በ2014 በጀት ዓመት ለፌዴራል ባለበጀት መ/ቤቶች እና ለመንግስት ዩኒቨርሲቲዎች አገልግሎት የሚውሉ የጋራ መጠቀሚያ ዕቃዎችን በዓለም አቀፍ ግልፅ ጨረታ ዘዴ ግዥ ፈጽሟል፡፡ የተፈጸሙ የጋራ መጠቀሚያ ዕቃዎች ግዥን በተመለከተ ከ2013—2015 በጀት ዓመት የሚያገለግሉ የቢሮ ፈርኒቸር እንዲሁም ከ2014-2016 በጀት ዓመት የሚያገለግሉ የ5 ሎት (የኢንፎርሜሽን ቴክኖሎጂ፣ የፕሪንተርና ፎቶ ኮፒ ማሽን ቶነሮች፣ የጽህፈት መሳሪያዎች፣ የጽዳት ዕቃዎች እንዲሁም ለመንግስት ዩኒቨርስቲዎች የተሽከርካሪ ጎማ) ዕቃዎች የግዥ ሂደት ተጠናቆ በ4,818,640,001.70 ብር ለ46 አሸናፊ ድርጅቶች የአሸናፊነት ደብዳቤ (Award) ሰጥቷል፡፡

 በሽያጭ ከተወገዱ ተሽከርካሪዎችና ልዩ ልዩ ንብረቶች 45.8 ሚሊየን ብር ገቢ ተገኘ 

የመንግስት ግዥ አገልግሎት ከተቋቋመበት ዓላማ አንዱ በፌዴራል መ/ቤቶች እንዲወገዱ ውሳኔ የተሰጠባቸውን ንብረቶች በሽያጭ ማስወገድ ነው። በዚህም መሰረት በበጀት ዓመቱ የ21 ፌዴራል ባለበጀት መ/ቤቶች 53 ያገለገሉ ተሽከርካሪዎችን በሽያጭ በማስወገድ 27,904,518.04 ብር እንዲሁም የ28 ተቋማት 94 ሎት ያገለገሉ ልዩ ልዩ ንብረቶችን በሽያጭ በማስወገድ 17,873,554.50 ብር በድምሩ በበጀት ዓመቱ ዉስጥ ተሽከርካሪዎችንና የተለያዩ ንብረቶችን በግልጽ ጨረታ ሽያጭ በማስወገድ 45,778,072.50 ብር ገቢ ተገኝቷል፡፡ የተገኘው ገቢ ካለፈው በጀት ዓመት ተመሳሳይ ወቅት ጋር ሲነጻጸር በ26.7% ማነስ አሳይቷል፡፡ ለዚህም ማነስ ዋነኛው ምክንያት በአገልግሎቱ በኩል ለማስወገድ ለ3ኛ ጊዜ ለጨረታ ከቀረቡት 137 ሎት ንብረቶች 123 ሎት በተጫራቾች ዋጋ ሳይቀርብባቸው ቀርቶ ሳይወገዱ መቅረታቸው፣ 78 ሎት የአገልግሎት ጊዜያቸው ያበቃና በባህሪያቸው በአደገኛ ቆሻሻ ዝርዝር ውስጥ በሚካተቱ የኤሌክትሮኒክስ ዕቃዎች ሽያጭ መስፈርቱን የሚያሟላ ተጫራች ባለመቅረቡ ሳይወገዱ መቅረታቸው እንዲሁም በአገልግሎቱ በኩል የሚወገዱ ንብረቶች የዋጋ ግምት የገንዘብ ጣሪያ ከነበረበት ከብር 100,000.00 ወደ ብር 500,000.00 በላይ ከፍ በመደረጉ በመ/ቤቶች የሚቀርበው የንብረት ይወገድልን ጥያቄ በመቀነሱ እንደሆነ የመንግስት ንብረት አስተዳደር ዳይሬክቶሬት ገልጿል። 

 

                    በበጀት ዓመቱ በ4.3 ቢሊየን ብር 75 ውሎች ተፈረሙ፡፡

የመንግስት ግዥ አገልግሎት በ2014 በጀት ዓመት ለፌዴራል ባለበጀት መ/ቤቶች እና ለመንግስት ዩኒቨርስቲዎች አገልግሎት የሚውሉ የጋራ መጠቀሚያ ዕቃዎችን በአምስት ሎት ግዥ ፈፅሞ 45 የማዕቀፍ ስምምነት ውሎችን በ4,017,827,822.15 ብር፣ ለገቢዎች ሚኒስቴር 40 ፒክአፕ ደብል ጋቢና ተሽከርካሪ ግዥ ፈጽሞ በ54,447,706.60 ብር ውል በመፈረም ተሽከርካሪዎቹ ለተጠቃሚው መስሪያ ቤት ገቢ እንደተደረጉ እንዲሁም ለኢትዮጵያ ጤና መድን ኤጀንሲ 300 እና ለገቢዎች ሚኒስቴር 60 በድምሩ 360 ሞተር ሳይክል ግዥ አሸናፊው ድርት ጋ በ57,240,000.00 ብር ውል የተፈፀመ መሆኑ በተጨማሪም ለቦረና ዩኒቨርሲቲ አገልግሎት የሚውሉ የተለያዩ ዕቃዎች ግዥ የተፈጸመ ሲሆን የተማሪዎች መገልገያ ፈርኒቸር፣ የተፈጥሮ ሳይንስ የላብራቶሪ ፈርኒቸር፣ የተፈጥሮ ሳይንስ የላብራቶሪ መሳሪያዎች እንዲሁም የሶሻል ሳይንስ መጽሃፍት ግዥ ሂደት በማጠናቀቅ ከ16 አቅራቢ ድርጅቶች ጋር በ235,442,652.50 ብር ውል መፈረሙን በአጠቃላይ አገልግሎቱ በበጀት ዓመቱ በማዕቀፍ፣ በተሽከርካሪና በሌሎችም ዕቃዎች ግዥ ከ46 አቅራቢዎች ጋር 75 ውሎችን በብር 4,364,958,181.30 ውል በመፈጸም ለተጠቃሚ መ/ቤቶች አቅርቦት እያደረሰ እንደሚገኝ ተገልጿል፡፡  

የአገልግሎት አመራሮችና ሠራተኞች በ4ኛው የአረንጓዴ አሻራ ሀገራዊ መርሃ ግብር   በእንጦጦ ፓርክ በመገኘት የችግኝ ተከላ ፕሮግራም አከናወኑ፡፡

 

 “አሻራችን ለልጆቻችን በሚል መሪ ቃል በኢትዮጵያ 6 ቢሊዮን ችግኝ ለመትከል ዘንድሮ ለአራተኛ ጊዜ በሚካሄደው የአረንጓዴ አሻራ መርሐ-ግብር የመንግስት ግዥ አገልግሎት አመራሮችና ሠራተኞች በአዲስ አበባ እንጦጦ ፓርክ ውስጥ ሐሙስ ሀምሌ 28 ቀን 2014 . 3 በላይ አገር በቀል ችግኞችን ተክለዋል።

በእንጦጦ ፓርክ ውስጥ በተካሄደው የችግኝ ተከላ መርሀ-ግብር ላይ የተገኙት የአገልግሎቱ ዋና ዳይሬክተር ወ/ሮ አበባ አለማየሁ ባደረጉት ንግግር አገልግሎቱ በአረንጓዴ አሻራ የችግኝ ተከላ ፕሮግራም ላይ ላለፉት ዓመታት አመርቂ ሥራዎችን ማከናወኑን ገልጸው፣ ጠቅላይ ሚኒስትር / አብይ አህመድ ባስጀመሩትና ዘንድሮ ለአራተኛ ጊዜ በሚካሄደው የአረንጓዴ አሻራ መርሀ-ግብር ላይም የአገልግሎቱ አመራሮችና ሠራተኞች መሳተፋቸውን ተናግረዋል፡፡ 

 

      የአገልግሎቱ አመራሮችና ሠራተኞች በእንጦጦ ፓርክ

      የአራተኛውን ዙር የአረንጓዴ አሻራ የችግኝ ተከላ ፕሮግራም ሲካሂዱ፡፡

 

ወ/ሮ አበባ አክለውም የአገልግሎቱ አመራሮችና ሠራተኞች በአረንጓዴ አሻራ መርሃ-ግብር ንቁ ተሳታፊ በመሆን ሀገራችንን ወደቀደመ ልምላሜዋ በመመለስ፣ በአየር ንብረ ለውጥ ምክንያት የሚመጡ ችግሮችን ለመቀልበስ በሚደረገው ጥረት አካል በመሆናችን ላቅ ያለ ደስታ ይሰማናል ብለዋል፡፡

የአረንጓዴ አሻራ መርሃ-ግብር የታለመለትን ዓላማ እንዲያሳካ ችግኝ ከመትከል ባለፈ የተተከሉትን ችግኞች መንከባከብ እና መጽደቃቸውንም መከታተል እንደሚገባ ወ/ሮ አበባ ገልፀዋል፡፡

 

 

                የአገልግሎቱ አመራሮችና ሠራተኞች በእንጦጦ ፓርክ

የአራተኛውን ዙር የአረንጓዴ አሻራ የችግኝ ተከላ ፕሮግራም ሲካሂዱ፡፡

    

 

በመጨረሻም ወ/ሮ አበባ በሀገራዊ የአረንጓዴ አሻራ መርሀ ግብር ላይ በንቃት ከመሳተፍ ባሻገር በየተሰማራንበት የስራ መስክ ሁሉ ስራችን በትጋት በመስራት ኃላፊነታችን በአግባቡ መወጣት እንደሚገባ መልዕክት ያስተላለፉ ሲሆን በችግኝ ተከላ ፕሮግራሙ ላይ ለተገኙ የአገልግሎቱ አመራሮችና ሠራተኞች ምስጋና አቅርበዋል፡፡

 

የአገልግሎቱ አመራሮችና ሠራተኞች “የኢትዮጵያ ታመስግን” የምስጋና ፕሮግራም አካሂዱ፡፡  

የመንግስት ግዥ አገልግሎት አመራሮችና ሠራተኞች ከፕላንና ልማት ሚኒስቴር እና  ከመንግስት ግዥና ንብረት ባለስልጣን ጋር በጋራ በመሆን በአትሌቲክሱ ዘርፍ ኢትዮጵያን በዓለም መድረክ ከፍ ያደረጉና ያስከበሩ የሀገራችንን አትሌቶች ድል መነሻ በማድረግ በሌሎች ዘርፎችም ተመሳሳይ ስኬት ለማስመዝገብ “ኢትዮጵያ ታመስግን!” በሚል መሪ ቃል ሀምሌ 21 ቀን 2014 ዓ.ም በገንዘብ ሚኒስቴር ቁጥር 2 ግቢ ውስጥ የምስጋና መርሀ-ግብር አከናውነዋል፡፡ በምስጋና መርሀ-ግብሩ ላይ ዶ/ር ፍጹም አሰፋ የፕላንና ልማት ሚኒስቴር ሚኒስትር መልዕክት ያስተላለፉ ሲሆን ፕሮግራሙም የኢትዮጵያ ህዝብ መዝሙርን በመዘመር ተጠናቋል፡፡   

    የአገልግሎቱ አመራሮችና ሠራተኞች ከፕላንና ልማት ሚኒስቴር እና ከመንግስት ግዥና ንብረት ባለስልጣን ጋር

    በጋራ “የኢትዮጵያ ታመስግን” የምስጋና ፕሮግራም ሲያካሂዱ፡፡

በደቡብ ክልል በከምባታ ጠምባሮ ዞን ቃጫ ቢራ ወረዳ የአራኛው ዙር የአረንጓዴ አሻራ የችግኝ ተከላ ፕሮግራም ተካሄደ፡፡    

የመንግስት ግዥ አገልግሎት አመራሮችና ሠራተኞች ከገንዘብ ሚኒስቴርና ተጠሪ ተቋማት ጋር በጋራ በመሆን ሐምሌ 09 ቀን 2014 ዓ.ም የአራተኛውን ዙር የአረንጓዴ አሻራ  የችግኝ ተከላ ፕሮግራም በደቡብ ብሄር ብሄረሰቦች ክልላዊ መንግስት በከምባታ ጠንባሮ ዞን ቃጫ ቢራ ወረዳ አከናውነዋል፡፡ 

በመርሃ ግብሩ ላይ የገንዘብ ሚኒስትር አቶ አህመድ ሽዴን ጨምሮ ሚኒስትር ዴኤታዎች፣ የተጠሪ ተቋማት ከፍተኛ አመራሮች፣ የተቋማቱ ሰራተኞች እና የደቡብ ብሄር ብሄረሰቦች ክልላዊ መንግስት ርዕሰ መስተዳደር፣ የዞንና የወረዳ አመራሮች እንዲሁም በርካታ የአካባቢው ነዋሪዎች ተሳትፈዋል፡፡

         የገንዘብ ሚኒስቴርና የተጠሪ ተቋማት ኃላፊዎችና ሠራተኞች በደቡብ ክልል በከምባታ ጠምባሮ ዞን     የአረንጓዴ አሻራ የችግኝ ተከላ ፕሮግራም ሲያካሄዱ

                

በጠቅላይ ሚኒስትር ዐቢይ አሕመድ ሀሳብ አመንጪነት የተጀመረው የአረንጓዴ አሻራ መርሐ ግብር በአራት ዓመት ውስጥ 20 ቢሊዮን ችግኞችን ለመትከል የታቀደ ሲሆን ባለፉት ሶስት ዓመታት 18 ቢሊዮን የሚጠጉ ችግኞች እንደተተከሉ መገለጹ ይታወሳል። በዘንድሮው መርሃ ግብርም ከስድስት ቢሊዮን በላይ ችግኞች ለመትከል ታቅዶ በአገር አቀፍ ደረጃ በስፋት እየተካሄደ ይገኛል።