Our vision Our vision

 

Our Vision is to become outstanding and prefered procurement and property disposal service provider in Ethiopia. 

Legal Documents Related to Procurement and Property Administration Legal Documents Related to Procurement and Property Administration

Web Content Display Web Content Display

Welcome to our website Thank you for visiting us ....

We Perform procurement of public organizations common user items and nationally strategic utilities; render efficient and effective property disposal service; including support for the private sector.  

To Browse newly invted Bid Click here.

እንኳን ወደ ድረገፃችን በሰላም መጡ!... ስለ ጉብኝትዎ እናመሰግናለን።

የመንግስት ግዥና ንብረት ማስወገድ አገልግሎት በሚኒስትሮች ምክር ቤት ደንብ ቁጥር 184/2002 ሐምሌ 2 ቀን 2002 ዓ.ም ሲቋቋም ዓላማዎቹ የመንግስት መስሪያ ቤቶች የሚጠቀሙባቸውን ተመሳሳይ ዕቃና አገልግሎቶች እንዲሁም አገራዊ ስትራቴጂካዊ ጠቀሜታ ያላቸው እቃዎችና አገልግሎቶች ከከፍተኛ ግዥ የሚገኘውን ኢኮኖሚያዊ ጠቀሜታ በሚያስገኝ ተመጣጣኝ ዋጋ፣ በተገቢው ጊዜና በተፈላጊው ጥራት እንዲቀርቡ ማስቻል፣በሽያጭ እንዲወገዱ ውሳኔ የተሰጠባቸውን የመንግስት መ/ቤቶች ንብረቶች በተቀላጠፈ አኳኋን በተመጣጣኝ ዋጋ እንዲወገዱ ማስቻል እና ለመንግስት የልማት ድርጅቶች በዕቃና አገልግሎት ግዥ እንዲሁም በንብረት ማስወገድ ረገድ እገዛ ማድረግ ናቸው፡፡

 

ዜናዎችና ወቅታዊ ጉዳዮች ዜናዎችና ወቅታዊ ጉዳዮች

Back

ወርሃዊ ዜና መፅሄት ሚያዝያ 2014 ዓ.ም

  

  

        በመንግስት ግዥ አገልግሎት 

           ወርሃዊ ዜና መፅሄት

 

 

በኮሙኒኬሽንና ዓለም አቀፍ ግንኙነት ዳይሬክቶሬት የተዘጋጀ  

                                                       

 

 

ሚያዝያ 2014 ዓ.ም   

 

 

የመንግስት ግዥ አገልግሎት አዲስ ለተሾሙ የሥራ አመራር ቦርድ አባላት የግንዛቤ ማስጨበጫ ስልጠና ሰጠ።

 የመንግስት ግዥ አገልግሎት አዲስ ለተሾሙ የሥራ አመራር ቦርድ አባላት በግዥና ንብረት ማስወገድ አጠቃላይ መረጃዎች፣አፈፃፀሞች እና ባጋጠሙ ተግዳሮቶች ዙሪያ መጋቢት 28 ቀን 2014 ዓ.ም በካፒታል ሆቴል የግንዛቤ ማስጨበጫ ስልጠና ሰጠ፡፡ ስልጠናውን የከፈቱት  የገንዘብ ሚኒስቴር ሚኒስትር ዴኤታና የአገልግሎቱ የቦርድ ሰብሳቢ ክብርት ወ/ሮ ሰመሪታ ሰዋሰው ሲሆኑ የአገልግሎቱ የሥራ አመራር ቦርድ አባላት በአዲስ መልክ መቋቋሙን ጠቅሰው የግንዛቤ ማስጨበጫ ስልጠናው ዋና ዓላማም አገልግሎቱ ከተቋቋመ ጀምሮ ምን አከናውኗል፤ምን ተግዳሮቶችስ ነበሩበት ወደ ፊትስ ምን ላይ ትኩረት ተደርጎ መሰራት አለበት በሚለው ላይ ለመወያየትና የቦርዱ ሚናም ስትራቴጅክ ድጋፍ መስጠት እንደሆነ ገልፀዋል፡፡ 

በመቀጠልም የአገልግሎቱ ዋና ዳይሬክተር ክብርት ወ/ሮ አበባ አለማየሁ የግዥና የውል አስተዳደር አጠቃላይ መረጃዎችን፣ አፈፃፀምና በአፈፃፀም ወቅት ያጋጠሙ ችግሮችን በዝርዝር ያቀረቡ ሲሆን ክቡር አቶ ኢቲሳ ደሜ የአገልግሎቱ መንግስት ንብረት አስተዳደር/የገበያ ጥናት ዘርፍ ም/ዋና ዳይሬክተር ደግሞ በንብረት ማስወገድ እና በገበያ ዋጋ ጥናት ዙሪያ ሰፋ ያለ ማብራሪያ ለቦርድ አባላቱ አቅርበዋል፡፡ የአገልግሎቱ የሥራ አመራር ቦርድ አባላትም ከቀረበው ገለጻ በመነሳት አገልግሎቱ የተቋቋመው አስፈላጊነቱ በመንግስት ታምኖበት በመሆኑ ጥራቱንና ወቅቱን ጠብቆ ግዥ መፈጸም ላይ ትኩረት ተደርጎ ቢሰራ፣ልምድና አቅም ያለው ፈፃሚን በተቋሙ ለማቆየት ምቹ የሥራ አካባቢን በመፍጠር የሠራተኛውን ደመወዝና ጥቅማጥቅም ለማስጠብቅ ጥረት ቢደረግ፣የአሰራር ስርዓቱን ማዘመንና ዲጅታላይዝ አድርጎ መሄድ ላይ ትኩረት ተደርጎ ቢሰራ፣የቆዩና የማያሰሩ ደንቦች፣ መመሪያዎችና የአሰራር ስርዓቶች መሻሻል እንዳለባቸው፣ ተቋማዊ አደረጃጀትን በመፈተሽ የተቋሙን ተልዕኮ የሚያሳካ ብቁና አቅም ያለው ፈፃሚ እና አመራር እንዲኖር ማድረግ ላይ ትኩረት ተደርጎ ቢሰራ የሚሉ አስተያየቶችን ያቀረቡ ሲሆን የአገልግሎቱ የማኔጅመንት አባላት በበኩላቸው አገልግሎቱ ሲቋቋም ከፍተኛ ኢኮኖሚያዊ ጠቀሜታን የሚያስገኝና መንግስት ትኩረት ሰጥቶ ያቋቋመው በመሆኑ ተቋሙ እንዲቀጥል ከተፈለገ የቦርዱ ድጋፍና ክትትል ወሳኝ እንደሆነ፣ ከአሰራር ስርዓት መሻሻል ጋር ተያይዞ በአለም ላይ ያለው የገበያ ሁኔታ ተለዋዋጭ በመሆኑ በግዥው ላይ ተፅዕኖ እየፈጠረ  ስለሆነ የመንግስትን ጥቅም በሚያስጠብቅ መልኩ ስራዎች እንዲሰሩና ግዥው በተሳካ ሁኔታ እንዲቀጥል የቦርዱ ድጋፍና ክትትል ከፍተኛ አስተዋጽኦ እንዳለው አስገንዝበዋል።

በመጨረሻም አገልግሎቱ ምን ደረጃ ላይ እንዳለ ጥናት ለማካሄድ ፕሮፖዛል መቀረጹን ወ/ሮ አበባ አለማየሁ የገለጹ ሲሆን እንደ ሀገር በመተባበራችንና አንድ በመሆናችን ለውጥ መምጣቱን አስታውሰው በአገልግሎቱ በአፈፃፀም ላይ ያጋጠሙ ተግዳሮቶችን በመቅረፍ  ተቋሙን ለማስቀጠልም የአገልግሎቱ የሥራ አመራር ቦርድ ክትትልና ድጋፍ አስፈላጊ ነው በማለት ውይይቱን አጠናቀዋል።   

      የተለያዩ ንብረቶችን በሽያጭ በማስወገድ 31.1ሚሊዮን ብር ገቢ ተገኘ፡፡

የመንግስት ግዥ አገልግሎት በበጀት ዓመቱ ዘጠኝ ወራት በፌዴራል መ/ቤቶች በሽያጭ እንዲወገዱ ውሳኔ የተሰጠባቸው የ15 ፌዴራል ባለበጀት መ/ቤቶች 38 ያገለገሉ ተሽከርካሪዎችን በሽያጭ በማስወገድ ብር 17,195,366.80 እና የ20 ተቋማት 141,711 ኪ.ግ (5 ሎት) ቁርጥራጭ ብረቶች፣ ቆርቆሮዎችና አልሙኒየሞችን፣ የ1 መ/ቤት 5 የቀንድ ከብቶችን እና የ14 ተቋማት 90 ሎት ያገለገሉ ልዩ ልዩ ንብረቶችን በሽያጭ በማስወገድ በብር 13,916,154.5 ሚሊዮን ብር ገቢ ማስገኘት ተችሏል፡፡ በአጠቃላይ በዘጠኝ ወራት ዉስጥ ተሽከርካሪዎችንና የተለያዩ ንብረቶችን በግልጽ ጨረታ ሽያጭ በማስወገድ  31,111,521.3 ብር ገቢ ተገኝቷል፡፡

         በበጀት ዓመቱ ዘጠኝ ወራት በ427 ሚሊየን ብር ውል ተፈረመ

የመንግስት ግዥ አገልግሎት በበጀት ዓመቱ ዘጠኝ ወራት ለፌዴራል ባለበጀት መ/ቤቶችና 18 ዩኒቨርስቲዎች የተሽከርካሪ ጎማ፣ የቶነር፣ የጽሕፈት መሣሪያ፣የደንብ ልብስ፣ የፈርኒቸር እና የንፅህና መጠበቂያ ዕቃዎችን ለመግዛት ከ15 አቅራቢ ድርጅቶች ጋር 24 ዉሎችን  በ369,817,700.22 ብር እንዲሁም ለኢትዮጵያ ጤና መድን ኤጀንሲ 300 እና ለገቢዎች ሚኒስቴር 60 በድምሩ 360 ሞተር ሳይክል ግዥ ተፈፅሞ በ57,240,000.00 ብር በድምሩ በዘጠኝ ወራት በ427 ሚሊየን ብር ውል መፈረሙ ተገልጿል፡፡  

የጋራ መጠቀሚያ ዕቃዎች ላይ ያጋጠሙ ችግሮችን በመፈተሽ 158 የስፔሲፊኬሽን ማሻሻያ እና አዲስ ስፔሲፊኬሽን የማዘጋጀትና የማደራጀት ስራዎች ተሰሩ፡፡

አገልግሎቱ በበጀት ዓመቱ ዘጠኝ ወራት ከ2014-2016 በጀት ዓመት ለፌደራል ባለበጀት መ/ቤቶች እና ለመንግስት ዩኒቨርሲቲዎች አገልግሎት የሚዉሉ የጋራ መጠቀሚያ ዕቃዎች ላይ በውል አስተዳደር ወቅት ያጋጠሙ ችግሮችን በመፈተሽ ለ21 ዓይነት የኢንፎርሜሽን ቴክኖሎጂ እቃዎች የስፔሲፊኬሽን ማሻሻያ እና አዲስ ስፔስፊኬሽን የማዘጋጀት ፤ለ58 ዓይነት የፕሪንተርና ፎቶ ኮፒ ማሽን ቶነሮች አዲስ ስፔስፍኬሽን የማዘጋጀት እና ለ8 ዓይነት የፕሪንተርና ፎቶ ኮፒ ማሽን ቶነሮች ስፔሲፊኬሽን ማሻሻያ የማድረግ ሥራ፤ለ4 ዓይነት የፅህፈት መሳሪያ ስፔሲፊኬሽን ማሻሻያ ማድረግ እና ለ37 ዓይነት የፅህፈት መሳሪያዎች ስፔሲፊኬሽን የማደራጀት ስራ ፣ለ5 ዓይነት የጽዳት ዕቃዎች የስፔሲፊኬሽን ማሻሻያ የማድረግ፣ ለ19 ዓይነት የቢሮ ፈርኒቸር ስፔስፊኬሽን የመፈተሽና ማሻሻያ የማድረግ፣ለ43 ዓይነት የተሸከርካሪ ጎማ ስፔስፍኬሽን የመፈተሽና የማደራጀት ሥራ መሰራቱን ከግዥ ቴክኒክና ጥራት ማረጋገጥ ዳይሬክቶሬት የተገኘው መረጃ ያመለክታል፡፡

 

 በዘጠኝ ወራት የ5 ሎት የጋራ መጠቀሚያ ዕቃዎች የቴክኒክ ግምገማ መከናወኑ ተገለጸ፡፡

የመንግስት ግዥ አገልግሎት በበጀት ዓመቱ ዘጠኝ ወራት ከ2014-2016 በጀት ዓመት ለፌዴራል ባለበጀት መ/ቤቶች እና ለመንግሥት ዩኒቨርሲቲዎች አገልግሎት የሚውሉ ለ157 ዓይነት ወይም 5 ሎት የጋራ መጠቀሚያ ዕቃዎች (የኢንፎርሜሽን ቴክኖሎጂ ዕቃዎች፣ የፕሪንተርና ፎቶ ኮፒ ማሽን ቶነሮች፣ የጽሕፈት መሣሪያዎች፣ የጽዳት ዕቃዎች እና የተሽከርካሪ ጎማዎች) ግዥ ለመፈፀም የቴክኒክ ግምገማ የተከናወነ መሆኑ ተገልጿል፡፡  

ተቋማት የግዥ ዕቅዳቸውን በወቅቱ የማይልኩ መሆናቸው በግዥ አፈጻጸሙ ላይ ጫና እየፈጠረ መሆኑ ተገለፀ፡፡

ተቋማት የግዥ ዕቅዳቸውን በወቅቱ የማይልኩ መሆናቸው በግዥ አፈጻጸሙ ላይ ዋነኛ ችግር የሆነ ሲሆን ዕቅዳቸውን እንዲያቀርቡ ከተጠየቁ የፌዴራል ተቋማት 39.7% የሚሆኑት እንዲሁም ከመንግስት ዩኒቨርስቲዎች 47.9% ብቻ የሆኑት እስከ ዘጠኝ ወር ድረስ የግዥ ዕቅዳቸውን ያቀረቡ መሆኑ ታውቋል፡፡ እቅድ በወቅቱ ሳያቀርቡ ግዥ የሚፈጸሙ መስሪያ ቤቶች መኖራቸው በሚኖረው አቅርቦት ላይ ከፍተኛ ጫና እየፈጠረ መሆኑን ከስራ ክፍሎች ከተገኘው መረጃ ለማወቅ ተችሏል፡፡

አገልግሎቱ በ278 ሚሊየን ብር በ2013 በጀት ዓመት ተጀምረው ያልተጠናቀቁ እና የሌሎች ዕቃዎችን ግዥ ፈፀመ፡፡    

የመንግስት ግዥ አገልግሎት በበጀት ዓመቱ ዘጠኝ ወራት ከ2013-2015 በጀት ዓመት የሚቆይ የ187 የፌዴራል ባለበጀት መ/ቤቶች የቢሮ ፈርኒቸር በ115,112,528.55 ብር፣18 የመንግስት ዩኒቨርሲቲዎች የቢሮ ፈርኒቸር ግዥ 54,145,931.24 ብር፣ ለገቢዎች ሚኒስቴር 40 ፒክ አፕ ደብል ጋቢና ከዱባይ ሀገር በዋጋ ማቅረቢያ ግዥ 54,447,706.00 ብር እንዲሁም ለኢትዮጵያ ጤና መድን ኤጀንሲ 300 እና ለገቢዎች ሚኒስቴር 60 በድምሩ 360 ሞተር ሳይክል ግዥ በ57,240,000.00 ብር በድምሩ በዘጠኝ ወራት በ277,946,165.79 ብር ግዥ የተፈፀመ መሆኑን ከመንግስት ግዥ አገልግሎት ዳይሬክቶሬት በተገኘው መረጃ ለማወቅ ተችሏል፡፡

 

 

 

 

 

 

አገልግሎቱ የንብረት አስተዳደር ኃላፊዎችና ባለሙያዎች በስቶክ አያያዝ፣ በቋሚ ንብረት አስተዳደር እና በንብረት አወጋገድ ዙሪያ የግንዛቤ ማስጨበጫ ስልጠና ተሰጠ። 

በአገልግሎቱ የአቅም ግንባታና ድጋፍ ዳይሬክቶሬት አስተባባሪነት ለአገልግሎቱ ንብረት አስተዳደር ኃላፊዎችና ባለሙያዎች በስቶክ አያያዝ ፣በቋሚ ንብረት  አስተዳደር እንዲሁም በፌዴራል መንግስት ንብረት አስተዳደር መመሪያ ዋና ዋና ይዘቶች በዋናነት በንብረት አወጋገድ ዙሪያ ከሚያዝያ 18-20 ቀን 2014 ዓ.ም በአዳማ ከተማ የ3 ቀናት የግንዛቤ ማስጨበጫ ስልጠና ተሰጠ፡፡ ስልጠናውን የከፈቱት በአገልግሎቱ የመንግስት ንብረት አስተዳደር/ገበያ ጥናት ዘርፍ ም/ዋና ዳይሬክተር  አቶ ኢቲሳ ደሜ ሲሆኑ የስልጠናው ዋና ዓላማም በንብረት አስተዳደር ላይ የተመደቡ ኃላፊዎችም ሆኑ ባለሙያዎች ህጋዊ ህደቱን፣መመሪያና ደንቦችን በደንብ ተገንዝበው  ስራቸውን እንዲያከናውኑና በአፈፃፀም የሚያጋጥሙ ችግሮችን በመወያየት መፍታት የሚችሉበትን ግንዛቤ ለመፍጠር እንደሆነ ገልፀዋል፡፡  

                   ም/ዋና ዳይሬክተሩ የመግቢያ ንግግር ሲያደርጉ  

በመቀጠል የኮርፖሬት አገልግሎት ጄኔራል ዳይሬክቶሬት ዳይሬክተር አቶ መልካሙ ደፋሊ በስቶክና ቋሚ ንብረት አስተዳደር ዙሪያ በዋናነት ስለ ስቶክ ምንነት፣በስቶክ አስተዳደር ወቅት የሚከናወኑ ዋና ዋና ተግባራት እንዲሁም በቋሚ ንብረት አያያዝና አስተዳደር ዙሪያ ሰፋ ያለ  ማብራሪያ እና ገለፃ አድርገዋል፡፡ ከተሳታፊዎች የተለያዩ አስተያየትና ጥያቄዎች ተነስተው ምላሽ ተሰጥቶባቸዋል፡፡

                በስቶክ አያያዝና እንዲሁም ንብረት ማስወገድ ላይ ስልጠና ሲሰጥ    

አቶ ሹንቃ አዱኛ የመንግስት ንብረት አስተዳደር ዳይሬክቶሬት ዳይሬክተር በፌዴራል የመንግስት ንብረት አስተዳደር መመሪያ ዋና ዋና ይዘቶችና የተለያዩ አካላት የሥራ ድርሻ ከንብረት ማስወገድ አንፃር እንዲሁም በንብረት ማስወገድ ወቅት የሚያጋጥሙ ችግሮችና መፍትሄዎች ዙሪያ ገለፃ አድርገዋል፡፡ በዋናነት በንብረት ማስወገድ ሂደት የአገልግሎቱ ተግባርና ኃላፊነት፣ የፌዴራል ተቋማት ተግባርና ኃላፊነት፣ በንብረት ማስወገድ ዙሪያ የሚሰየሙ ኮሚቴዎች ተግባርና ኃላፊነት ፣የመንግስት ንብረት ስለማስወገድ፣የማስወገጃ ዘዴዎች፣የጨረታ ሰነድ ዝግጅትና የጨረታ መነሻ ዋጋ ምንድነው? መነሻ ዋጋ በማን ይሰጣል በሚሉና ተያያዥ ርዕሰ ጉዳዮችን  ዳይሬክተሩ  በዝርዝር አስረድተዋል፡፡ በስልጠናው ዙሪያም ከተሳታፊዎች ጥያቄዎችና አስተያየቶች ተነስተው ውይይት ተደርጎባቸዋል፡፡ ሰልጣኞችን በቡድን በመከፋፈል የአንድን ተሽከርካሪ የጨረታ መነሻ ዋጋ በጎፋሙ በተቀመጠው ቀመር መሰረት  እዲያወጡ ተደርጎ ሠራተኞች የበለጠ ግንዛቤ እንዲኖራቸው ተደርጓል፡፡

                        ሰልጣኞች የቡድን ውይይት ሲያደርጉ

በመጨረሻም በአገልግሎቱ የአቅም ግንባታና ድጋፍ ዳይሬክቶሬት ዳይሬክተር አቶ ደመረው ለገሰ ሠራተኞች በተሰማሩበት የሥራ መስክ ውጤታማ እንዲሆኑ ለማስቻል በቀጣይም ተከታታይ የአቅም ግንባታ ስልጠናዎች እንደሚሰጡ በመግለፅ በተለይ ስልጠናው የስራው አካል በሆኑት በአገልግሎቱ ዳይሬክተሮች እንዲሰጥ መደረጉ ወጭን ከመቀነስ በተጨማሪ በስራ አፈፃፀም በሚያጋጥሙ ችግሮች ዙሪያ ለመወያየት ተመራጭ መሆኑን አስገንዝበው ስልጠናውን አጠናቀዋል፡፡ 

በህዝብ ተወካዮች ምክር ቤት ለፕላን፣በጀትና ፋይናንስ ጉዳዮች ቋሚ ኮሚቴ አባላት የግንዛቤ ማስጨበጫ ስልጠና ተሰጠ፡፡

የመንግስት ግዥ አገልግሎት በህዝብ ተወካዮች ምክር ቤት ለፕላን፣በጀትና ፋይናንስ ጉዳዮች ቋሚ ኮሚቴ አባላት  በመንግስት ግዥና ንብረት ማስወገድ አፈፃፀም ዙሪያ  ከሚያዝያ 22 ቀን  ቀን 2014 ዓ.ም ጀምሮ በአዳማ ከተማ የግንዛቤ ማስጨበጫ ስልጠና ሰጠ፡፡ ስልጠናውን የከፈቱት  የአገልግሎቱ ዋና ዳይሬክተር ክብርት ወ/ሮ አበባ አለማየሁ ሲሆኑ የግንዛቤ ማስጨበጫ ስልጠናው ዋና ዓላማ አገልግሎቱ ከተቋቋመ ጀምሮ በግዥና ንብረት ማስወገድ ምን አከናውኗል፤ምን ተግዳሮቶችስ ነበሩበት ወደ ፊትስ ምን ላይ ትኩረት ተደርጎ መሰራት አለበት በሚለው ላይ ለመወያየትና ቋሚ ኮሚቴውም አገልግሎቱ ተልዕኮውን እንዲያሳካ ድጋፍ እንዲያደርግ ለማስታወስ እንደሆነ ገልፀዋል፡፡ 

 

               የአገልግሎቱ ዋና ዳይሬክተር የመክፍቻ ንግግር ሲያደርጉ

በመቀጠልም የመንግስት ግዥ አገልግሎት ዳይሬክተር አቶ ወርቁ ገዛኸኝ የመንግስት ግዥ አጠቃላይ ገፅታ፣ግዥ የሚመራባቸው ሕጎችና አለም አቀፍ ግዴታዎች፣ የአገልግሎቱ ስልጣንና ተግባር፣ አገልግሎቱ ከተቋቋመ ጀምሮ የፈፀማቸው ግዥዎች እና በግዥ አፈፃፀም ዙሪያ የሚታዩ ተግዳሮቶችን በዝርዝር ያቀረቡ ሲሆን አቶ ሰለሞን ፋንታሁን የውል አስተዳደር ዳይሬክተርም የውል አስተዳደር አጠቃላይ መረጃዎችን፣አፈፃፀምና በአፈፃፀም ወቅት ያጋጠሙ ችግሮችን አቅርበው ውይይት ተደርጎባቸዋል፡፡

በተጨማሪም የመንግስት ንብረት አስተዳደር ዳይሬክተር አቶ ሹንቃ አዱኛ በንብረት ማስወገድ እና በገበያ ዋጋ ጥናት ዙሪያ ሰፋ ያለ ማብራሪያ ለቋሚ ኮሚቴ አባላቱ አቅርበዋል፡፡

           በውል አስተዳደርና በንብረት ማስወገድ ዙሪያ የግንዛቤ ማስጨበጫ ስልጠና ሲሰጥ

የቋሚ ኮሚቴ አባላቱም ከቀረበው ገለጻ በመነሳት የተለያዩ አስተያየትና ጥያቄዎችን ያቀረቡ ሲሆን ከመንግስት ግዥ መርሆዎች ውስጥ ለአገር ውስጥ አምራቾች ልዩ አስተያየት ማድረግ የሚለው እንደ ሀገርም እጅግ ጠቃሚ ስለሆነ ትኩረት ሊሰጠው እንደሚገባ፣የግዥ ዕቅድ ሳይኖራቸው መ/ቤቶች ግዥ እንዲፈፀምላቸው ይፈልጋሉ፡፡ ነገር ግን መ/ቤቶች እቅድ እንዲያቀርቡና የስራቸው አካል እንዲያደርጉት በሕግ ምላሽ እንዲያገኝ የተደረገ ጥረት ምንድነው? አገልግሎቱ በርካታ ተግዳሮቶች አሉት ለእነዚህ ተግዳሮቶች አስቸኳይ ምላሽ መስጠት እንደሚገባ፣መወገድ ያለባቸው ንብረቶች ዲጂታላይዝ አድርጎ የመያዝ አሰራር ተዘርግቷል ወይ? አገልግሎቱ ከቁልፍ ባለድርሻ አካላት ጋር ያለ ህጋዊ የስራ ግንኙነት ምን ይመስላል?  የተገዛው ዕቃ ለታለመለት ዓላማ መዋሉን አገልግሎቱ የሚያረጋግጥበት ሥርዓት ዘርግቷል ወይ?  በንብረት አያያዝና አወጋገድ ዙሪያ አመለካከቶች በጣም ዝቅተኛ ናቸው ስለሆነም አገልግሎቱ በዚህ ዙሪያ ግንዛቤ መፍጠር ላይ ምን ሰርቷል  አገልግሎቱ በግዥም ሆነ በንብረት ማስወገድ ዙሪያ የማያሰሩ አዋጆች እና መመሪያዎች እንዲሻሻሉ ምን ጥረት አድርጓል? ንብረትን ለማስወገድ የመ/ቤት ኃላፊዎች ኃላፊነትን በመሸሽ የንብረት ክምችት እየተፈጠረ በመሆኑ አገልግሎቱ ጠንክሮ መስራት እንዳለበት፣ግዥ በማዕከል መፈፀሙ ጠቃሜታ እንዳለው ተቋማት ግንዛቤው አላቸው ወይ፣ የስፔሲፊኬሽን ዝግጅትን በሌሎች ተቋማት መደረጉ በልመና አይሆንም ወይ ጊዜም ስለሚወስድ አገልግሎቱ የስፔሲፊኬሽን ስራውን የሚሰራ ራሱን የቻለ ዳይሬክተር እንዲደራጅ ቢያደርግ፣የማሽነሪና ተሽከርካሪ አወጋገድን በሚመለከት የቆዩና ታሪካቸው የማይታወቁትን ለአንዴና ለመጨረሻ ጊዜ መመሪያ ወጥቶ የሚወገዱበት አሰራር ቢመቻች፣ የዋጋ ማስተካከያ ህግ አለው ወይ ቢብራራ፣የልዩ ግዥ ፈቃድ የሚሰጠው መ/ቤቶች እቅድ ባለመላካቸው እና አገልግሎቱ መግዛት ባለመቻሉ እንደሆነ፣ የካይዘን አተገባበርን በሚመለከት አገልግሎቱ ምን አስቧል፣ የመልካም አስተዳደር ጉዳይን በሚመለከት በስልጠናው መካተት እንደነበረበት፣የጋራ መጠቀሚያ ዕቃዎች ግዥ የቱ ጋ ይገደባል የሚሉ ጥያቄዎችና አስተያየቶችን የቀረቡ ሲሆን የጋራ መጠቀሚያ እቃዎች ማለት በርካታ ዕቃዎች ናቸው፣ በዋጋ ማስተካከያ ዙሪያ ሕግ አለ ወይ ለተባለው የዋጋ ማስተካከያ የሚደረገው ከማዕከላዊ ስታትስቲክስ አገልግሎት በሚቀረብ መረጃ መሰረት እንደሆነ፣ ንብረት የማስተዳደርና የመቆጣጠር ስራ የአገልግሎቱ ሳይሆን የመንግስት ግዥና  ንብረት ባለስልጣን እንደሆነ፣ስፔሲፊኬሽን ዝግጅት ላይ አገልግሎቱ ትኩረት ሰጥቶ እንደሚሰራ፣በማዕቀፍ ስምምነት ግዥ የሚፈፀመው ተቋማት በጋራ የሚጠቀሙበት ግዥ እንጅ የቅንጦት ግዥ እንዳልሆነ፣የግዥ ዕቅድ በወቅቱ የማይልኩ ተቋማት የሚቀጡበት የአሰራር ስርዓት እንዲዘረጋ ከገንዘብ ሚኒስቴር ጋር በመሆን ጥረት እንደሚደረግ፣ በሀገሪቱ ምን ያህል የንብረት ክምችት አለ ለተባለው አገልግሎቱ ክልሎችን የማጥናት ኃላፊነት እንዳልተሰጠው ኃላፊነቱ ፌዴራል ተቋማትና ዩኒቨርሲቲዎች ላይ እንደሆነ፣ አንድ አቅራቢ ለሶስት ዓመታት እንዲያቀርብ ሲደረግ አቅራቢዎችን ሞኖፖሊ ያደረጋል ለተባለው አገልግሎቱ እንደ ችግር እንደማያየውና ከመንግስትም የተሰጠ አቅጣጫ ከመሆኑ በተጨማሪ አገልግሎቱ ግዥ የሚፈፅመው አለም አቀፍ ግልፅ የጨረታ ማስታወቂያ አውጥቶ በመሆኑ ማንኛውም ነጋዴ በጨረታው ተሳትፎ አሸናፊ ከሆነ አቅርቦት መፈጸም እንደሚችል፣የገንዘብ ሚኒስቴርና የመንግስት ግዥና ንብረት ባለስልጣን ድጋፍ እንዲያደርግልን ቋሚ ኮሚቴው ጥረት ቢያደረግ፣የግዥ መመሪያም ሆነ የሚወገዱ ንብረቶች ስታንዳርድ የሚያወጣው የመንግስት ግዥና ንብረት ባለስልጣን እንደሆነ ተገልጿል፡፡ 

 

 

                    ከተሳታፊዎች ጋር ውይይት ሲደረግ

በመጨረሻም በህዝብ ተወካዮች ምክር ቤት የፕላን፣በጀትና ፋይናንስ ጉዳዮች ቋሚ ኮሚቴ ምክትል ሰብሳቢ ዶ/ር ኢንጅነር ስለሽ ኮሬ የተሰጠው የግንዛቤ ማስጨበጫ ስልጠና ጥሩና የአገልግሎቱን ተግባርና ኃላፊነት ለይቶ ለማወቅ የሚረዳ እንደሆነ፣የግዥ ዕቅድ የማያቀርቡትን ተቋማት በመለየት የአሰራር ስርዓት ተዘርግቶ ለቋሚ ኮሚቴው ቢላክ፣ከገንዘብ ሚኒስቴር የሚደረገው ድጋፍ ተጠናክሮ መቀጠል እንዳለበት፣ ንብረት ማስወገድን በሚመለከት በሽያጭ የሚወገዱ ንብረቶችን በተገቢው ሁኔታ ማስወገድ እንደሚገባ፣ ችግር ናቸው ተብለው የተለዩትን ለመፍታት የሚያስችል ዕቅድ መዘጋጀት እንዳለበት፣በቀጣይም ችግሩን ለመፍታት ጥረት ማድረግ እንደሚገባና ቋሚ ኮሚቴውም አገልግሎቱን ለመደገፍ ዝግጁ መሆኑን ገልፀው ውይይቱን አጠናቀዋል።      

        አገልግሎቱ የ51.2 ሚሊዮን ብር አዋርድ ሰጠ፡፡

የመንግስት ግዥ አገልግሎት ለቦረና ዩኒቨርሲቲ አገልግሎት የሚውሉ የተማሪዎች መገልገያ የተፈጥሮ ሳይንስ የላብራቶሪ ፈርኒቸሮችን ግዥ ለመፈፀም ያወጣውን ብሔራዊ ግልፅ ጨረታ የፋይናንስ ሰነድ መጋቢት 28 ቀን 2014 . በአገልግሎቱ አዳራሽ መክፈቱ ይታወሳል፡፡ በዚህም መሰረት የፋይናንስ ሰነድ ግምገማ በማጠናቀቅ አሸናፊ ለሆኑት ለAgazework general business PLC በ15,651,286.24 ብር፣ GM Furnirute በ9,670,342.64 ብር፣ Emerald Furinture በ3,488,260.00 ብር፣ Kortiti Trading PLc በ486,013.00 ብር፣ Robit International Business Group PLC በ7,789,078.00 ብር፣ CZ Industrial Group በ13,520,000.00 ብር እና Omedad Plc በ602,969.61 ብር በድምሩ የ51,207,949.49 ብር የአሸናፊነት ደብዳቤ (letter of Award) የሰጠ ሲሆን አሸናፊ  የሆኑ ተጫራቾች በ7 የስራ ቀናት ውስጥ ውል እንደሚገቡ ከመንግስት ግዥ አገልግሎት ዳይሬክቶሬት በተገኘው መረጃ ለማወቅ ተችሏል፡፡